தவிப்பதும் துடிப்பதும் என் மனம் அல்லவா....

ஒரு முறை சிரிப்பதும்
மறுமுறை முறைப்பதும்
நீ என்னை வெறுப்பதும் 
தவறல்லவா....

தினம் உன்னை நினைப்பதும்
தனிமையில் தவிப்பதும்
வலிதனில் துடிப்பதும்
நானல்லவா....

உயிரே உயிரே
என் உள்ளம் வந்த பயிரே
என்னைக் கொல்லும் உளியே
என் விழியே....

நிலவே நிலவே
என் வாசல் வந்த நிலவே
என்னை வீசி சென்ற சகியே
இது சரியோ..

வீசி செல்லாதே - என்னை
விட்டுச் செல்லாதே
என் சின்ன உயிர் தாங்காதே....

நினைவிலே இனிப்பதும்
நியத்திலே கசப்பதும்
கண்ணீரில் மிதப்பதும்
என் விழியல்லவா....

வெறுப்பதால் நினைப்பதும்
நினைப்பதால் உன்னை மறக்க மறுப்பதும்
தவிப்பதும் துடிப்பதும்
என் மனம் அல்லவா....