அம்மா...
வார்த்தைகள் கொண்டு அலங்கரிக்க
முடியாத கவிதை அம்மா...
வானத்து தேவதை பூமியில்
வாழும் என்றால் அது அம்மா...
வாழும் நாள் முழுதும் என் நலன் காத்தாய்...
வலி என்று சொல்லும் முன் என் வலி உணர்ந்தாய்...
சிறு முள் என் கால் கிழித்ததும்
வலியால் நீதான் துடித்தாய்...
வலியவன், உயர்ந்தவன் எவன் என்னை தீண்டினாலும்
அரணாய் வந்து தடுத்தாய்...
தெய்வங்கள் தேடி கோவில் சென்றாய்...
என்னையும் கூட்டிசென்று கும்பிடு என்றாய்...
நீ காட்டிய கல் என் தெய்வம்
நீ காட்டிய மனிதர்கள் என் உறவுகள்
நீ காட்டிய உலகம் என் உலகம்
நீ யார்?
நான் உணர்ந்த ஒரே தெய்வம் நீதான் அம்மா...
வ. வசந்த ரூபன்
